Baietz 312 mendi!

Zain

Eginda

Egin gabe

Proposatutakoak

Zenbat igoko ditugu?

Webgune honen bidez Eibarko Klub Deportiboak 312 mendiren zerrenda eskaintzen dizue bazkide eta lagun guztiei. Horietatik zenbat igoko ditugu? Horixe da 2024rako gure buruari jarri diogun erronka. Zergatik 312? Horixe izan zelako Urko argiztatzen egon zen jende kopurua!

Proposamenak

Hauexek dira orain arte guk proposatutako mendi zerrendatik kanpo dauden mendiak igotzeko jaso ditugun proposamenak.

Iberiar penintsulatik kanpoko mendi esanguratsuren bat igotzeko asmoa baduzu, bidali zure proposamena eta zerrendan sartuko dugu.

Mendia	Mendilerroa	Altuera	Mendizalea	Egoera
Tubkal	Atlas	4167	Enrique Astarloa	Eginda
Dent du Geant	Alpeak	4014	Unai Eraso eta Fernando Errekalde
Etna	Sizilia	3357	Aitor Arroitajauregi	Bertan behera erupzioagatik
Puig de Massanella	Mallorca	1365	Ander Urkia	Eginda
Mytikas (Olinpo)	Grezia	2917	Egoitz Elduayen eta Laida Lanzeta
Corno Grande (Gran Sasso)	Italia	2912	Egoitz Elduayen eta Laida Lanzeta	Eginda
Weisshorn	Alpeak	4505	Unai Eraso eta Fernando Errekalde

Zailak eta errazak

Guztiontzako proiektua

Guztiok izan zaituztegu buruan proiektu hau martxan jartzean. Mendi errazak, zailak, zailtasun berezikoak, ederrak, itsusiak, ... denetarik dago, denetariko mendiak ditugulako gure inguruan.

75. urteurrena gogoan

Orain dela 25 urte...

Gogoan duzue 1999 urtea? Klubaren 75. urteurrena ospatu genuen. Urte hartan Piriniotako 3000 metrotik gorako mendi guztiak igo genituen. 212 guztira, UIAAk 1995ean argitaratu zuen zerrenda oinarri hartuta.

Esan zure lagunei eta animatu zaitez!

Parte hartu nahi duzu?

Begiratu webgunean zein diren zerrendan dauden mendiak, esaiguzu zeinetara igo nahi duzun eta igo ostean bidali bertako argazkiak. Argazkiak hementxe argitaratuko ditugu beste guztiekin batera eta etorkizunerako gera daitezen.